" ikusk'izana "
Ez naiz nire gurasoen lehen ikuskizuna, nire anaia zaharrenak bakarrik okupatu baizuen eszenatokia 5 urte eta erdiz. Bederatzi hilabetez, famili antzerki honetako kamerinoetatik, amaren emozioen ikusle pribilegiatua izan naiz. 1976ko azaroaren 28an publiko baten aitzinean lehen aguerraldia estreinatu nuen, amak ni proiektatzea eszenatokiaren aurrealdean erabaki zuenean. Ez naiz oroitzen momentu hortaz, ezta antzoki kamerinoetatik ere, baina, batzuetan, sortzen zaizkidan sentimenduak ezerezetik sortzen dira, garai hartatik dudarik gabe. Nolanahi ere, gustatzen zait sinestea. Dantzari baten seme txikia, kantari baten eta dantzari baten semea, gurasoek, anaia zaharrenak lagundurik, ikuskizunaren maitasuna transmititu zidaten, kalean edo aretoan.
" artibista "
Musikari bat naiz, bere musika bere ingurumenatik ateratzen duena. Dena da ikuskizuna: pertsona bakoitza, hitz eta egoera bakoitza. Errealitate horretan eraikitzen dut neure egia, neure artea ehunduz artisau batek egin lezaken bezala. Parisen hazi nintzen, non kultura eta jatorri ezberdinak bizi ziren, familia handi bat bezala. Hiriko karrikak izan ziren nire lehen eszena publikoak. 18 urterekin Paris herrikoia utzi nuen, ezagutzen nuena bederen, Euskal Herrira joateko. Hor berraurkitu ditut nire jatorriak eta "euskaldun" izatearen zentzua. Gero, konpromiso kulturala eta soziala gurutzatu ditut, batzuetan bakoitza bere aldetik, besteetan elkarrekin. Horrela sortu zen nire kontzientzia aktibistakoa eta artistikoa, ni "artibista" bihurtuz.
Irudirako konposatu, emozioa zizelkatu
Konposizioari buruz dudan ikuspegia artisau batena da: soinu materiari forma ematea istorio bat, zirrara bat, egia bat azaleratzeko. Orkestra, testura elektronikoak, euskal erresonantzia tradizionalak... Proiektu bakoitzak material berriak arakatzera gonbidatzen nau, ikusten dudana entzutera. Esperientzia artistiko guztietara idekia naiz, ez dut oztoporik. Maite dut desafioat. Orkestra, elektro eta musika tradizionala konposatzen ditut ikuskizunetarako, animaziozko filmetarako, dokumentaletarako, film laburretarako, film luzeetarako eta ipuin musikaletarako. Behatzea eta entzutea dira nire ezaugarri nagusiak.
